REGISTRES DU BUREAU

[i544]

responce dedans demain mydi, par ce que le Roy luy a donné charge estre de retour à luy mercredi à son soupper, en la ville d'Arques. Et après ce dit, s'est retiré led. Prevost de Paris.

Ce faict, mond. s^r le Prevost des Marchans a remonstré à lad. compaignée aucunes parolles particulieres à luy dictes par mond. s^r le Prevost de Paris, les comminations et menasses par lettres quil a veues de mettre les Prevost des Marchans, Eschevins et Quarteniers en la Bastide et vendre leurs biens'; la responce qu'il a eue de sire Jehan Berthelemy, Eschevin, envoyé par lad. Ville à la Court pour cest effect; le danger ou est lad. Ville de n'obeyr au Roy et de perdre sa grace; les excuses des Quarteniers de la grande difficulté de recevoir si promptement lesd, sommes; et si a dit qu'il a faict plusieurs ouvertures et déliberations par cy devant de moyens pour recouvrer lad. somme ; à quoy on n'a sceu satisfaire; et neantmoings convenoit par neccessité rendre responce aud. seigneur. Et après plusieurs remonstrances par luy faictes, a supplié de obeyr et satisfaire au Roy. Et sur ce a mys lad. matiere en deliberation et demandé aux assistans leur oppinion.

Lesquelz ont tous conclud, advisé et deliberé que les Prevost des Marchans, Eschevins, Conseillers, Procureur, Greffier, Receveur, Quarteniers, cinquanteniers, dixiniers, archers, arbalestriers, hacquebutiers et toutes manieres de gens solvables, fortz et excepté ceux qui sont exemptz par ordonnance du Roy, payeront les deniers, si payé n'ont, à quoy les maisons ont esté cotiséez; et si co-

Usées n'ont esté, seront cotisées el les deniers payez. Et encores lesd. Quarteniers esliront, chascun en leur quartier, cinquante hommes bourgeois, ou plus, lesquelz pourront prester surement à lad. Ville, chascun cinquante livres tournois, et les moindres xxv livres tournois, en ce non comprins ceulx qui vouldront bailler argent à rente à lad. Villevau denier douze, lesquelz seront bien asseurez et remboursez sur les fermes des aydes nouvelles de lad. Ville; et que aussi le corps de lad. Ville se obligera comprins le Greffier, Receveur et Procureur, à les garantir et faire rembourser. Et pour plus grande seureté de ceulx qui feront lesd, prestz, lesd. Prevost des Marchans et Eschevins, soubz le bon plaisir du Roy et par lettres que led. seigneur oclroyera, obligeront tous et chascuns les biens, renies etreve-nuz du dommaine de lad. Ville. Et avec ce, seront prins les deniers estans ès mains du Receveur de lad. Ville, non comprins toutesfoys les deniers qui apartiennent au Roy, jusques à la somme de vn^M livres tournois; c'est assavoir des deniers estans de reste des fermes du pié fourché et huitiesme du quartier de Greve, après les rentes et fraiz satis-faietz, iiii" livres tournois; et des deniers ordonnez pour le navigage de la riviere d'Ourc, ui^M livres tournois, pour du tout faire ung calcul et veoir commant on pourra fournir lad. somme aud. seigneur et en rendre responce à Mons^r le Prevost de Paris; et que demain lad. compaignée se trouvera, à sept heures de matin, en l'Oslel de lad. Ville, pour proceder à l'execution de la presente deliberation.

LIX [VIII]. — Remonstrances au Roy.

i 4 octobre 1544. (Fol. 9.)

Du xiiii⁰ jour d'Octobre mil v^c xliiii.

Aujourd'uy, suivant la deliberation du Conseil du jour d'hier, sont comparuz au Bureau de la Ville de Paris, c'est assavoir :

Mons^r le Lieutenant civil, maistre Jehan Morin, Prevost des Marchans;

Mons^r Seguier, Lieutenant criminel, Choppin, de Sainct Germain, Eschevins;

Mess" Tronson, Baillet, Prevost, de Thou, Paillart, .Conseillers de lad. Ville;

Basannier, Courtin, Lelorrain, Maciot, Danès, Lejay, Croquet, Berthelemy, Prevost, Hac, Parfaict, Gohory, Pellerin,Goddeffroy, Quarteniers;

Lesquelz ont emsemblement advisé rendre res-

ponce à Mons^r le Prevost de Paris sur les lettres de creance par luy présentées le jour d'hier en l'assemblée de Conseil, tenue en la grand salle de l'Ostel de lad.. Ville, en la forme qui s'ensuit ;

Les Prevost des Marchans et Eschevins de la Ville de Paris supplient très humblement le Roy, leur souverain seigneur et maistre, voulloir entendre que le retardement du payement du dernier quartier de la somme de mr" m escuz d'or soleil procedde des exemptions qui ont esté faictes depuis l'accord faict par la Ville de Paris aud. seigneur de lad. somme ; neantmoings, pour obeyr aud. seigneur, ilz fourniront à son Receveur general Marcel, dedans samedi prochain, comprins ce que depuis deux ou trois jours